شوفوا يا شباب هتكلم النهاردة عن القرار الوطنى المستقل و ارتباطه باللإنتماء
طبعآ انا من جيل الستينات وقد نما وعيى و نضجى الفكرى فى السبعينات
قد نتفق او نختلف فى تقييمنا لهذه المرحلة و لكن كان لهذه المرحلة شيء مميز الا و هو القرار الوطنى المستقل
و سوف اعطى مثال و هو تأميم شركة قناة السويس عام 1956
و كيف أصبح الانتماء لمصر فى اشد درجات التوهج
و اصبح المصري عندما يتجاذب الحديث مع اى اجنبى يرفع رأسه و يقول بكل حب و اعتزاز أنا مصرى
وأدت زيادة الانتماء الى النهوض السياسى و الاقتصادى و لقد بنت مصر اعز ما تملك فى هذه المرحلة وهو السد العالى و قلعة الحديد و الصلب فى حلوان و مجمع الألومينيوم فى نجع حمادى
هذا كان من الماضى و عندما انظر الآن أجد أن القرار الوطنى أصبح غير مستقل و أنتم ترون النتائج بأم اعينكم
طبعآ انا من جيل الستينات وقد نما وعيى و نضجى الفكرى فى السبعينات
قد نتفق او نختلف فى تقييمنا لهذه المرحلة و لكن كان لهذه المرحلة شيء مميز الا و هو القرار الوطنى المستقل
و سوف اعطى مثال و هو تأميم شركة قناة السويس عام 1956
و كيف أصبح الانتماء لمصر فى اشد درجات التوهج
و اصبح المصري عندما يتجاذب الحديث مع اى اجنبى يرفع رأسه و يقول بكل حب و اعتزاز أنا مصرى
وأدت زيادة الانتماء الى النهوض السياسى و الاقتصادى و لقد بنت مصر اعز ما تملك فى هذه المرحلة وهو السد العالى و قلعة الحديد و الصلب فى حلوان و مجمع الألومينيوم فى نجع حمادى
هذا كان من الماضى و عندما انظر الآن أجد أن القرار الوطنى أصبح غير مستقل و أنتم ترون النتائج بأم اعينكم
9 comments:
أستاذ عبد الحميد العزيز, يعني ايه قرار وطني اذا كان اصلا اللي واخد القرار ماوش دعوة بالوطن؟؟ و لا يهمه في شئ؟؟
يعني ايه قرار وطني اذل كان اللي بيقف و يلعلع و يوقله واخد ورقة من أمريكا مكتوب فيها خطبته انهاردة عن ايه؟؟
نيجي لكلمة مستقل
اللي بيقول كلمة مستقلة اساسا بيكون مصيره هو نفس مصير المهندس خيرت الشاطر( مع انه اساسا مش محبوس بسبب رأبه ده محبوس بسبب معتقداته الدينية) أو هيكون مصيره زي مصير ابراهيم عيسى و يتحبس و بعدين يخرج بكفالة كأنه مجرم
أصبح الأن من يقول رأيه الوطني المستقل يعاقب عليه كمن ارتكب جريمة
استاذ عائد من الماضي
عايز اقول لحضرتك ان جيل عبدالناصر
لغز نفسه افهمه
قرار وطني مستقل في عهد عبدالناصر
طيب اشرحلنا بقى عشان الواحد يفهم
اولا مبروك يا بشمهندس على البلوج الجميل الجديد
واللي انشاء الله هيكون الجريء ايضا
ثانيا انا لي ملحوظة صغيرة بس بمناسبة البوستين بخصوص قصر البوست وكثافة الافكار المعروضة فيه ، والواضح ان اهتمامات المدونة هتكون سياسة بصورة عامة وده جميل منك انك تفرغ خبرة السنين اللي فاتت لانسان عاصر الملكية في اواخرها والثورة والتاميم والعدوان والنكسة والعبور وكامب ديفيد والهراء الذي يليها
اعتقد ان العمر السياسي ده مش هيكون هين الافكار والخبرات
بالنسبة للبوست ده انا شايف ان الوعي السياسي كان انضج بكتير من الوضع الحالي في ناس لسة لحد دلوقتي مش عارفة الابيض من الاسود ، غير كده الانتماء مكانش سساسي بس والا مكنش كل الطبقات والثقافات تحب ام كلثوم ونجيب الريحاني في وقت واحد
وسؤالي العتيق ليك يا باشمهندس
يا ترى فعلا التاريخ بيعيد نفسه ؟؟ اتحدث طبعا عن االوقائع الخارجية وليس الوضع الحالي فلا يوجد اسوأ منه ، ولكن اتحدث عن المحيط الخارجيى
ؤسالي الاخر ؟ قطر ، الامارات ، الكويت ، واخواتهم ، فعلا العملية البيرين التلاته بتوع الجاز ؟؟ ولا الناس دي بتشتغل صح ؟؟
معلش اعذرني انا عارف ان الاسئلة دي اماكنها في البوست اللي فات بس يالله بقى اول زيارة وهتقل براحتي
مبروك مرة تانية يا باشمهندس
ومستنيين بوستاتك الجاية
إبنتى مريم:
القرار الوطنى المستقل معناه
أن يتخذ القرار فى أى قضية من قضايا الوطن عن طريق أبناء الوطن من المتخصصين فى المجال دون النظر لأى قوة خارجية مهما كانت قوتها
وأنت يكون القرار فى خدمة أبناء الوطن
جميعنا نتفق على ذلك و يجب ان يكون كفاحنا من اجل تغيير الواقع الذى نعيشه بالأساليب السلمية
.............
ابنى العزيز
ليس هناك جيل لعبد الناصر أو لأنور السادات أو لحسنى مبارك
انما هناك تواصل للأجيال و تفاعل بينها
أما اذا اردت ان تفهم لغز اى حقبة يمر بها الوطن فيجب ان ترجع الى وثائق تلك الحقبة
و هى متاحة الآن
" 50 و 60"
و عندما تقرأ تلك الوثائق قراءة متأنية فلن يكون هناك لغز
................
أحمد سلامة:
حسيت من كلامك انك ناضج فكريآ و لية نصيحة انك تقرأ مجموعة الأستاذ هيكل الى كتبها مثل خريف الغضب و سنوات الغليان و الانفجار و حرب السويس و لمصر لا لعبد الناصر و حرب أكتوبر بين السلاح و السياسة و الديموقراتية الغائبة و السلام المستحيل
ممكن لو قرأت معلوماتك هتزيد لأن معظم اللى بيكتبوا هيكل موثق
طبعآ مش هيكل بس
فى أحمد بهاء الدين و فهمى الهويدى و محمود عوض
كل دول هتستفاد منهم
أحصل على أكبر قدر من المعلومات و شوف دماغك هتوديك على فين بعد كدة
أنا بتفق معاك فى نقتة الانتماء
انا من رأيى ان التاريخ لا يعيد نفسه و انما كل فترة من الفترات محكومة بناسها و ارادة الناس اللى موجودة فيها و الظروف المحيطة بيها
و هى تختلف من حقبة لأخرى
و اذا حدثت مصادفة و تشابهت احداث فليس هذا معناه ان التاريخ يعيد نفسه
لكن الأهم ان الأمم الواعية هى التى تستفاد من تجاربها الماضية
بالنسبة لدول الخليج
القصة كانت فعلآ بيرين جاز قبل ذلك
لكن الآن الوضع تغير
و الامور اصبحت فى يد اجيال جديدة ممكن
مممكن انها تفكر بطريقة صحيحة
بعد تأميم القناة كان في هدف وحلم كل المصريين عايزين يحققوه ويوصلوله
دلوقتي مفيش هدف ولا حلم...وبالتالي بقى كل واحد بيدور على حاجة غير اللي التاني بيدور عليها
زمان سياسة البلد كانت واضحة للناس كلها..والناس كانت فاهمة ايه اللي بيحصل وكانوا حاسين انهم جزء من النظام
دلوقتي سياسة البلد في وادي والناس في وادي تاني خالص..والريس والشعب مش بيجتمعوا غير في ماتشات الكورة...ويا ريتنا حتى بنكسب فيها
:D
مبروك المدونة الجديدة وانشاء الله في انتظار المزيد من الموضوعات
انا مش شايف ان فى تدوين سياسى سليم للحقبه التاريخية الماضة الكل يلوث ماضى الكل,الثورة شوهت الملك,ما بعد الثورة شوه الثورة,الكل يشوه فى الكل و تغيب الحقيقة التى اتمنى ان تظهر فى يوم من الايام لعلنا نعرف من المخطا و من المصلح (اقول ذلك و اقول معه اغيثونا من تشويه التاريخ ) من المخطىء و من المصلح انا منتظر رد سيادتك على السوال ده
مارفل:
كلامك صحيح يا مارفل
Kol-eldonia:
لن تظهر الحقيقة الا اذا بحثتم انتم عن المعلومات الصحيحة لكل فترة من هذه الفترات
و المعلومات متوفرة بحكم القانون الذى يسمح بتداول المعلومات السرية بعد مرور
50 عام
قديما قال الشاعر جبران
"ويل لأمة تشرب مما لا تعصر
وتلبس مما لا تنسج"
والمثل المصري يقول
"طول ما بناكلش من فاسنا
عمر الكلام ما هيبقى من راسنا"
بإختصار، من لا يملك رغيفه لا يملك قراره السياسي
كلامك سليم يا عمرو
Post a Comment